Структура на АД ЕЛЕМ

СТРУКТУРА НА АД ЕЛЕМ

Термоелектрани

Термоелектричните централи се приоритетни во електроенергетскиот систем на Македонија. Тие обезбедуваат 81% од производството на електрична енергија во АД ЕЛЕМ. Најголема термоцентрала е РЕК „Битола“ со своите три блока Битола 1, 2 и 3, со просечно годишно нето-производство од 4.200 GWh. Јагленот се користи како основно гориво за производство на ее во РЕК „Битола“. Во составот на термосистемот во Република Македонија припаѓа и РЕК „Осломеј“, со инсталирана моќност на блокот од 125 MW и просечно годишно нето-производство од 500 GWh. Јагленот, исто така, е основно гориво за производство на ее и во РЕК „Осломеј“.

Термоелектрани	Инсталирана моќност MW	Нето производство GWh	Година на пуштање	Работни часови h	Основно гориво	Енергетска вредност на гориво kJ/kg
Битола 1	233	804,7	1982	5275:07:00	Јаглен	6208
Битола 2	233	1.110,8	1984	7004:28:00	Јаглен	6208
Битола 3	233	1.070,8	1988	6570:17:00	Јаглен	6208
Осломеј	125	106,5	1980	1657:36:00	Јаглен	5444

ВКУПНО	824	3.092,7

Хидроелектрани

Вкупната инсталирана моќност на хидрокапацитетите изнесува 553,6 MW, односно 40% од вкупните капацитети на АД ЕЛЕМ. Во АД ЕЛЕМ постојат осум хидроелектрани, од кои две проточни - „Равен“ и „Врбен“ и шест акумулациони - „Вруток“, „Шпилје“, „Глобочица“, „Тиквеш“, „Козјак“ и „Света Петка“. Од вкупното производство на електрична енергија во АД ЕЛЕМ, од хидропроизводство се обезбедува околу 19 %, и тоа пред сè за задоволување на дневните варијации на потрошувачката на електрична енергија и за обезбедување на системските услуги за регулација, со што се постигнува поголема флексибилност и распoложливост на електроенергетскиот систем.

Хидроелектрани	Број на агрегати	Инсталирана моќност MW	Нето производство GWh	Работни часови h	Година на пуштање	Тип на електрана
Вруток	1 2 3 4	41,4 41,4 41,4 41,4	360,19	2559,2 2729,8 2813,8 2500,2	1957/1973	Акумулациона
Равен	1 2 3	7 7 7	43,39	3142,7 3155,9 3338,7	1959/1973	Проточна
Врбен	1 2	6,4 6,4	35,31	4312,1 4556,7	1959	Проточна
Шпилје	1 2 3	28 28 28	312,79	4850,0 4865,3 5168,0	1969	Акумулациона
Гловочица	1 2	21 21	225,53	6256,1 6234,6	1965	Акумулациона
Тиквеш	1 2 3 4	28,5 28,5 28 28	303,71	3355,1 3056,5 3252,8 3360,1	1968/1981	Акумулациона
Козјак	1 2	41 41	171,57	1891,9 2660,0	2004	Акумулациона
Света Петка	1 2	18,2 18,2	75,78	2238,2 2352,6	2012	Акумулациона
ВКУПНО	44	556,8	1528,27	78650,4

Ветерни електрани

Оваа 2015 година паркот на ветерни електрани „Богданци“, лоциран во месноста Ранавец крај Богданци, почна со редовно производство на електрична енергија по успешно поминатите процедури на тестирање на опремата односно нејзините карактеристики, и добиената техничка дозвола за работа.

ВЕТРО ЕЛЕКТРИЧНИ ЦЕНТРАЛИ	Број на агрегати	Инсталирана моќност MW	Нето производство GWh	Година на пуштање
ПВЕ Богданци	16	36,8	120,8	2015

Турбините се производство на Сименс - Данска и се вбројуваат меѓу најдобрите во својата класа. Инсталираната моќност на секоја од нив е 2.3 MW, висината на столбот изнесува 80 метри, а дијаметарот на елисата изнесува 93 метри. ПВЕ „Богданци“ се очекува годишно да испорачува најмалку 100 GWh природно одржлива односно обновлива енергија. Истовремено, ветерниците ќе ја зголемат инсталираната моќност на АД ЕЛЕМ за 36,8 MW. Со овој проект ќе се зголеми и учеството на обновливите извори во портфолиото на АД ЕЛЕМ и претставува уште еден силен показател за грижата на нашата компанијата кон животната средина.

Финансиски извештај во PDF