Планирано исклучување на Блок 3 во РЕК Битола

Posted on: July 11, 2018

АД ЕЛЕМ ја информира јавноста дека РЕК Битола во текот на вечерта ќе изврши планирано исклучување на Блок 3.

Причината за планираното исклучување е намалениот конзум на електрична енергија во овој период и добрата хидролошка состојба која овозможува производство од хидроелектраните, што дава можност овој период да се искористи за превентивна нега на блокот, отстранување на помали дефекти и за зајакнување на оперативноста и на расположливоста на блокот.

Блок 3 ќе биде вратен во мрежа на почетокот на следната недела.

РЕК Битола ќе го продолжи континуираното производството на електрична енергија преку Блок 2, додека на Блок 1 се изведува капиталниот ремонт.