Раководството на АД ЕЛЕМ донесе одлука да го поништи тендерот за набавка на гумени ленти за РЕК Битола. Причина е тоа што на последната, трета аукција, понудените цени во четири ЛОТА се повисоки од планираниот буџет за нив, додека во еден ЛОТ понудената цена е повисока од реалната на пазарот. Доколку на оваа одлука нема жалби од учесниците на тендерот и доколку одлуката за поништување стапи на сила, АД ЕЛЕМ веднаш ќе пристапи кон распишување на нов тендер, од причина што предметот на оваа јавна набавка, гумените ленти потребни за транспорт на материјалот, се неопходни за да може РЕК Битола непречено да работи.

Во продолжение е приложена табелата со податоци од третата аукција по понудувач, понудена цена и предвиден буџет на АД ЕЛЕМ.

Исто така, сакаме да ја информираме јавноста дека предметот во врска со тендерот за ископ на јаглен во РЕК Битола сe’ уште е на одлучување кај Државната комисија за жалби по јавни набавки, од каде АД ЕЛЕМ очекува одлука и насоки како да постапи во врска со оваа јавна набавка.

Дел од предметот на договорот за јавна набавка : ЛОТ 1 -Гумени транспортни ленти од 1800-2400(мм) со платно

Планирана максимална цена од АД ЕЛЕМ: 22.913.710,00 мкд без ДДВ

Дел од предметот на договорот за јавна набавка : ЛОТ 2- Гумени транспортни ленти од 1600(мм) со платно

Планирана максимална цена од АД ЕЛЕМ: 91.134.073,00мкд

Дел од предметот на договорот за јавна набавка : ЛОТ 3- Гумени транспортни ленти од 1200-1400(мм);

Планирана максимална цена од АД ЕЛЕМ: 109.360.888,00мкд

Дел од предметот на договорот за јавна набавка : ЛОТ 4 – Гумени транспортни ленти со платно за потреби на СДЈ

Планирана максимална цена од АД ЕЛЕМ: 7.811.492,00мкд

Дел од предметот на договорот за јавна набавка : ЛОТ 5 –  Гумени транспортни ленти со платно за потреби на отпепелување

Планирана максимална цена од АД ЕЛЕМ: 27.079.837,00мкд

Вкупен планиран буџет на АД ЕЛЕМ за сите лота: 258.300.000,00 денари